حياتي اليوم صحيفة إلكترونية يومية
—
شوفتك يا حرامي أحلامي وانت بتسرقها.. عمال تقولي حاجات سلبية وأنا عايز أكون إيجابى.. يا عم كل واحد وليه تجربته.. مش لازم تقولي مش هتعرف.. ولا اعمل دا ومتعملش دا..
طيب ما تقولي ربنا يوفقك.. حاول تعمل وتحقق حلمك.. ما تحاول تساعدنى وانا اساعدك.. ولما كلنا نبقى كويسين كله هيبقى مبسوط.. بس أنت مين؟ ليه موجود جوا دماغى؟ ولو كنت صاحب ليه أنا مصاحبك؟ ما سبنى منك واشوف حد تانى يخاف عليا بجد ويقوينى.. بدل ما أنت واكل دماغي..
إبعد بقى يا عم عني.. حتى لو كنت نفسي متبقيش عدوى.. عشان انت أول من هتضرى.. يا رب قويني وساعدني.. وعلمني إن الفشل هو أول طريق النجاح.. وأن الأرزاق بإيدك وحدك.. واعطينى اليقين دايما.. لأنك على كل شئ قدير..
وارحم ضعفي وقلة حيلتي وهواني على الناس..إنت رب المستضعفين.. وانت ربي يا أرحم الراحمين.