مبتسألش نفسك احنا ليه بقينا طوال الوقت راسمين تكشيرة على وشوشنا بسبب ايه؟
بص ياسيدى.. السبب ان كل واحد فينا عنده ضغوط معينة خانقاله حياته.. ومخلياه مش عارف يعيشها.. وبيفضل كده لحد ماتيجى حاجة واحدة نهرب ليه من كل ده..
الحاجه دي ممكن تبقى شخص ترتحله.. نظرة عابرة كده بتخليك منشكح .. كلمة اهتمام .. نوم ولحظة روقان مع اغنية بتحبها. والا لمة عيلتك وخروجة حلوة مع اصحابك .. الخ
المشكلة ان بعد اللحظة دي ما بتعدى الواحد بيندم انه مش قادر يعملها " pause"!
بس كل مانفتكرها بنفرح من اول وجديد ..المهم كفاية ضغوط واهرب دايما للحظة الحلوة وبس
واعرف كويس ان كل حاجة فى الآخر بتخلص حتى المشاعر ..وعشان كده اخيرا خلى خوفك جوه منك وابتسامتك سيبها بره واوعى حد يشوف دموعك.