ظاهرة غريبة شمال ويمين
الناس فى غابة ومتنمرين
لو شافوا حد من المساكين
يتريقوا وبسخط كبير
مرض ولون عاملين تمييز
وكأنهم من أهل باريس
كورونا فيروس جد خطير
بيصيب دكاترة و ممثلين
و بدل ما يدعو شفاء لسقيم
يخافوا العدوى متهكمين
وكأنه يعني ذنب عظيم
ربك ده هو الشافى ورحيم
كله معرض فقير وسليم
مش ناقصة سخرية وتنمير
ايه ذنب شاب منغولى كمان
مولود بعاهة مع الأيام
لو تشتمه تبقى حيوان
لأنه مخلوق كده إنسان
واللى أصيب بكورونا كمان
قدره ونصيبه من الرحمن
وبدل مصيبته ما يرحموه
يقولوا عدوى ويلعنوه
ولو مات يخافوا ده يدفنوه
ويجروا منه ويعزلوه
لازم نطبطب عالانسان
ونرحمه من غدر زمان
و الدنيا بتلف بدوران
سليم بيبقى مريض فى الحال
أبيض وأسود ده إنسان
لازم نعامله بكل حنان
————-
* كبير محررين مترجمين باتحاد الإذاعة والتلفزيون.