حياتي اليوم صحيفة إلكترونية يومية
—-
عملك كفاحك
وصورة نجاحك
وحاجه بترفع شأن المقام
عاطل هتندم
ودخلك هيعدم
وتفضل يا سيدى تجنى الآلام
عملك يزينك
وربك يعينك
ويصبح حقيقى وضعك تمام
–
كسلك بيخطف زهرة شبابك
يشدك لفقرك ويقفل فى بابك
وتصبح معيشتك
فى وشك ضلام
عملك يزينك ويثبت وجودك
وتزرع بإيدك هتقطف ورودك
وفرحك هيعزف أحلى كلام
–
كافح وتشقى دخلك يزيد
بصبر وعزيمة يلين حديد
وتاكل وتشرب وتلبس جديد
وتلقى حياتك صارت غرام
–
تتعب تهابر تاخد ميزاتك
بعملك هتثبت شخصك وذاتك
تسعد ولادك تشرَّف بناتك
تحقق طموحك وتمشى لأمام
–
هاجر وتاجر واكسب وبيع
سافر وعافر صيف وربيع
تلقى نصيبك ورزقك يجيلك
تقعد مكسل محدش يشيلك
ويفضل فقير اللى قصر ونام
عملك كفاحك
وصورة نجاحك
وحاجه بترفع شأن المقام
