حياتي اليوم صحيفة إلكترونية يومية
حياتي اليوم
تصدر هاشتاج )#قول_كلمة_لسواقين_الميكروباص( قائمة الأعلى تغريدًا على تويتر، وجاءت غالبية التدوينات غاضبة من سلوك سائقي الميكروباص، ومنتقدة لسلوكيات تمارس يوميًا من جانبهم.
وأظهرت التدوينات – بحسب بوابة الأهرام – حجم الغضب الشديد لدى كثير من الركاب إلا أن هذا الغضب لا يظهر غالبًا في الواقع خوفًا من رد فعل السائق الذي قد يتجاوز الحدود.
-سارة: حضرتك أنا لما بقولك على جنب متجيش إنت تقولي نازلة!! ما أنا أكيد نازلة أومال بشوف ركنتك!!
-لوما: جوه مش فاضي ولا حاجة أقسملك بالله
-Ahmed Badran: أجرة مبنلمش.. مصطفى كامل مبنسمعش.. الباب مبنقفلوش بالراحة
-قطتي: بتعمل إيه علشان الكوباية إللي جنبك تفضل ثابته؟! أي حاجة في الميكروباص بتتحرك إلا هي
-بنت الاستاذ: هو انتو مجروحين كده على طول؟
-Nesma Mohamed: بطلوا تبصوا للبنات في المرايا بدل متلبسوا في حاجة
-3abraHman: دايمًا الأغنية الحلوة بتيجى واحنا نازلين من الميكروباص
-شورين: بلاش تزودوا الأجرة ربع جنيه عشان بيتعبني أوي خليها نص
-أحمد: متقعدش تقرفنا بالحتة المقدسة إللي ورا كرسي معاليك إللي مينفعش حد يحط رجله عليها.
-«Mr. Adrenaline»-: الكرسي إللي قدام مش للبنات بس.. ممكن عادي يركب فيه كائنات ذكورية!!
-شبسيكو متصدرالترند: المفروض إللي يلم الأجرة ميدفعش
-Megz: عليا النعمة الكنبة إللي ورا بتاخد 3 مش 4
-عبدالله: بلاش صورتك وانت وراك برج إيفْل
-زملكاوي أنا: على إيدك إللي بتاكل بيها ياسطي
-sun shine: أحسن حاجه بتعملوها إنكم بتخرجوا م الزحمة ورا عربية الإسعاف
-mohamed mahmoud: افتكر يوم الكامين قبل ما تقول الأجرة كام
-: Mr.traveler المواطن المصري هو الوحيد اللي لما يعدي الشارع يبص في الناحيتين حتى لو الطريق اتجاه واحد!!
– مُحسِن: أنا لو معاية فكة مش هاخبى عليك فلما أديك فلوش مجمدة متسألنيش
-كسبان والحمد لله: مش لازم لما أقعد قدام آخد الكرسين لوحدى
-Zoz: بص يا باشا مش عشان متخانق مع سماح الحتة بتاعتك تصدع أهالينا باغانى مصطفى كامل!!
-سارة: اعمل اختبار للسمع علشان مش مطلوب مني لما أنزل أقول علي جنب 10 مرات!! دا أنا ساعات بحس إني اتخطفت
-Menna-T-Allah:أبوس إيدكو شيلو إيديكو من على الكلاكس شوية مش هطير يعنى السواقة مش بلطجة!!
-Sarah Ibrahim: ميبقاش سواق مصرى أصيل لو مدسش #فرامل وجاب كل الركاب إللي في العربية قدامه في التابلوه
-فاطمة الزهراء: متلبسوش نضارة الشمس عشان تبصوا علي البنات بنقفشكوا والله.
