حياتي اليوم صحيفة إلكترونية يومية
الثانوية العامة فى حياتنا .. …تجربة بمعنى ممكن تنجح او تفشل ..فهى حاجة مش مضمونة….. بس كل اللى عليك … انك تذاكر وتجتهد… !
هى دايرة وكلنا بندور فيها … ولكن محدش عارف هى نهاية المطاف ولا لا …. بتبدأ المعاركة مع بداية الدروس الخصوصية … وتوتر الاهالى والطلبة … ودى فترة كلها متاعب وضغط مادى ونفسى وعصبى …
هى اللعبة اللى بتفضل مركز فيها …. ومضغوط وخايف ….. لحد ما تقابل الوحش " النتيجة" .. "وما أدراك ما النتيجة" …. جبت مجموع يبقى انت عديت من مرحلة انياب الوحش …
فرحة النجاح حلوة اكيد…"كليات قمة" بقى والناجح يرفع ايده … طعم النجاح و فرحت اللى حواليك اكيد احساس جميل .
ولكن لو الحظ مكنش حليفك … أو استهنت باللعبة .. وفى النهاية الوحش أكلك بكل شراسة .. كليات الشعب فى انتظارك…. وطبعا كل اللى حواليك … صورلك انك فاشل … وانت كده ضعيت مستقبلك …!!
نقطة بقى ومن أول السطر .. الحياة هتعلمك ان "كلام الناس لايقدم ولا يؤخر" .. حياتك انت اللى بترسمها … دا مستقبلك .. شوف نفسك بتحب ايه .. ونمى ., تجاهل اللى يحاول يحبطك..
الثانوية العامة مش نهاية المطاف… هى مجرد تجربة…وكلنا بنفشل …. وهنفشل … النجاح مش هيتقدملك على طبق من ذهب … لازم تسعى وتتعب … ..خلى عندك قناعة شخصيه ..انك لازم توصل لحلمك ..
أحلى حاجة فى الثانوية العامة ……. انها تجربة … تستحق المغامرة !!
