حياتي اليوم صحيفة إلكترونية يومية
ايه اللى هيفيدك انك تفضل تبكى وتتألم قدام حد بتحبه وهو مش حاسس بيك!
رغم أنه بيعمل علشانك حاجات كتير حلوة …
بس الحاجة الوحيدة اللى بتضايقك ودايما بتتوقع أنه يبعد عنها …
ما بيقدرش ! وبيطلب منك تستحمله !
قلبك بيفضل يقولك امشى .. كفاية . مستنى إيه!
بس أنت بتفضل وبتخاف تمشى وبتاخد منه الحب بس كل اللى بتاخده مش بيرضيك!
بتقول لنفسك كفاية…بلاش تعافر…بس بردو مش بتعرف تمشى!
بتفضل فى نفس الدايرة طول الوقت محبوس انت وقلبك فى زمن فات!
حرر نفسك من سجن حبهم….
لان أنت سجنت نفسك من غير وعى جوه سجنهم
وسلمتهم عقلك اتحكموا فيه وسيطروا عليه وده كان من دافع الخوف انهم يسيبوك!
لحد ما غيروا أفكارك علشان تمشى مع أفكارهم …!
وفجأة …!!
ظهرلك ضوء بسيط شوفت منه نفسك الحقيقية اللى ما كنتش تعرفها وسجنتها بإرادتك جواهم!
((من يتخلى عن سجنه الذى صار كل ما يملك، يكمل مسيرة الحب، ويرى من الحياة ما لا عين رأت ! ))
