كبسولات مهدئة…(انت عظيم)…تكتبها رشا صيرة

إحنا فى حياتنا بنهتم بأشياء أكبر من طاقة أنفسنا وبنكبر كل شئ عن حجمه رغم أن كل حاجة فى حياتنا هى جزء من الكل !
وده عمل جوانا شعور بالاستحقاق الزايد …
وخلانا نعتبر اننا نستحق أكتر مما نحن عليه !
وده نتج عنه أننا تحملنا مسؤوليات أكبر من طاقتنا وبعدها فقدنا القدرة على تحملها !
فبدأنا نطالب الجميع أنهم يراعوا مشاعرنا وأنهم يضحوا من أجلنا لأننا نستحق حتى لو كنا لا نستحق !
و كل ده علشان جوه كل واحد إحساس إنه عظيم ….
بس أنت مش عظيم علشان انت اخترعت شئ مهم أو قمت بعمل جبار ….
لكن ….أنت عظيم ومحبوب….
لأنك قادر تواجه كم الأحداث اللانهائية فى حياتك حتى الموت !
وقادر تواصل حياتك وتختار بين رغباتك اللى بتسيطر على طموحاتك …
وإنك قادر تختار قيم بسيطة مباشرة تقدر تتحكم فيها …
وتخليك تتسامح مع فوضى العالم من حولك بمنتهى البساطة ..
وأنك تفهم نفسك وتشوفها …
وأن أى شئ بتعمله فى حياتك بتعمله علشان تكون سعيد مش علشان أن العالم هيكون مختلف من بعدك!