حياتي اليوم صحيفة إلكترونية يومية
( الهدوء يأتى بعد العاصفة ….
وبعده الشمس تضئ حب لمن يعشق….).
الغضوب …هو أكتر الطباع حبا للحياة والمودة … الغضب اللى بيجتاحه هو انفعال متذبذب بسبب فطرته اللى بتدفعه للتعبير عن أفكاره بلا تردد؛ ولأنه بيتمتع بطاقات عصبية وعضوية كبيرة ، كأنها بتولد انفجار داخله!
بيحب العلاقات الإجتماعية بين أصدقائه وبيتسم طبع الغضوب بالانفتاح الإجتماعى والدفء الإنسانى …ولكن فطرته بتخليه يبحث عن أحاسيس وتسليات جديدة ؛ بتخليه يبدل كتير فى أرتباطاته وعلاقاته ؛ ولكن مودته بالآخرين بتخليه محبوباً دايماً … مزاجه متقلب وغالباً ما تجده حسن المزاج ! عنده شراهه فى الأكل والجنس كبيرة ؛
الغضوب ….يملك موهبة الخطابة لحبه الدائم أنه يكون وسط مجموعات من البشر بتديله نزعه ( القائد)
يملك قدر من الذكاء وفكر حاد وعملى وقدرة على الارتجال فى الحالات الطارئة ؛
الغضوب…. هو شخص انفعالى عنده قدرة على التفاهم مع مستمعيه وفى نفس الوقت بيقدر يطلق تعابير بتؤثر فى عاطفة الآخرين ؛ وبيقدر يسمع ويتفاعل مع كل حد بيستمع إليه ويتأقلم مع عاطفتهم وهو متحكم فى عاطفته لدرجة انه ممكن يستولى على مشاعرهم لأنه عنده بلاغة جذابة فى الكلام ؛؛
وعلشان الغضوب ….إجتماعى لدرجة كبيرة ولأنه محب للحياة … إحتياجاته بتخليه يبحث عن إرضاء حاجات كتيرة ومختلفة لديه؛
عنده طاقة زائدة وحيوية فطرية بتدفعه للعمل وبيحب الحركة حباً فى الحركة مش فى النتيجة اللى هيكسبها من وراها ؛ يعنى بيحب (نشوة الحركة) فممكن يقوم بعمل مجانى ويبذل فيه مجهود بغض النظر أنه هيحصل من وراه على مال !
طاقته وحيويته بتخليه يبتهج من مهن بتتطلب منه جهد ، ولباقته وحسن تدبيره بيكون سبيله للنجاح ، وطبعاً بيستفيد من إجتماعيته اللى بتخليه يدخل اى فريق عمل بسهولة ؛؛
الغضوب …هتلاقيه بيشتغل فى التجارة والفنون التشكيلية والصحافة …
طبع الغضوب له أشكال :
(الغضوب الشرس)
بيكون صاحبه شرس فى انفعاله وواقعى بيهتم بالعلوم .
(الغضوب الحماسى )
بيكون صاحبه شبه عصبى بتجتذبه النشاطات والابداع .
(الغضوب القائد )
بتسيطر عليه الحيوية وبنشوفه فى الخطباء السياسيين والقادة اللى عامة الشعب بيندفعوا لأفكارهم ؛ مش لأنها فريدة ولكن علشان الطاقة اللى بيقدروا ينقلوها ليهم بمنتهى البراعة.
(الغضوب الفطرى)
وده أكثرهم عدم استقرار …انفعاليته الفطرية بتخليه سطحى وبيتهاون فى المسائل الأخلاقية .
طفل الغضوب ….مش ملل ولكن ثرثار… يلفت الأنظار بصفة خاصة إليه بسرعة حتى لو بخناقة إذا كان ذكراً ؛؛ لا يتحمل القيود ولديه فضول كبير وصريح.
طبع الغضوب بيظهر فى روح المبادرة …ميله للمشاجرة والخناق …متفائل بيحب الحياة …صريح وغير متحفظ …دائم الانشغال … قوى العضلات …متفتح …ميال إلى التشتت… نشط فى علاقاته …إجتماعى.
المجتمع بالنسبة للغضوب حاجة ؛؛؛
مش بيقدر يكون مرح وصوته قوى عندما يدير حوار ونقاش وبيتصاعد حدته حسب انفعاله !
ولكن لأنه محبوب وشعبى بيقدر يجذب إليه أشخاص من طباع عكس طباعه!
