حياتي اليوم صحيفة إلكترونية يومية
العقل الضيق يقود دائماً إلى التعصب (أرسطو).
إذا كان فيه طبع بيرفض النضج يبقى
( طبع العصبى)…!!!
انفعاليته متذبذبة ؛ تعكس كمية كبيرة من الطاقة العصبية مع كمية قليلة من الطاقة العضوية بتعمل على إنطلاق أنفعاليته بسرعة وعنف …
يكره المهمات المفروضة ولا يندفع إلا إلى المهام اللى بتخدم مصالحه ؛ يعمل بلا انتظام وبيقوم بأعمال على حسب مزاجه ؛ سريع الإثارة ؛ متقلب المزاج بينتقل من التفاؤل إلى التشاؤم …ومن الفرح إلى الحزن ..على حسب الأحاسيس اللى بيمر بيها فى كل لحظة !
يحب إدهاش الآخرين والبقاء محط للأنظار ، وبيحب تجميل الواقع علشان كده تلاقيه عايش بين الكذب والخيال ؛؛؛
بيبحث عن العواطف وينجذب إلى كل جديد وغريب أو مخيف أو مرعب ؛؛؛ حتى لو كان تافهه !
تلاقيه بينشد إلى القصص المرعبه أو أفلام الحركة أو الأفلام الخيالية المثيرة للأحاسيس القوية …فبتخلى عواطفه غير مستقرة …سريع الانجذاب …سريع الارضاء ؛؛
ولكن القيمة الغالبة عليه هى حب الترفيه !
العصبى بيحب الأمجاد وبيدور على اللى بيعلى شأنه ، بيبان جذاب ومخيف ! بس بيقدر يكون متألق فى الوقت اللى الظروف بتسمحله بده !
انفعاليته الفطرية بتجعله صاحب نظرة ثاقبة وروح مليانة بالعواطف الطيبة ودى عناصر تسحر وتحنن وتخليه جذاب لا يقاوم ولباقته فى الحديث بتخليه يفتن الآخرين؛؛
ورغم هشاشة هذه المؤهلات لكنها بتجذب إليه عاطفة الناس مرة والشفقة دايماً ! لانه بيعتبر ضحية طبعه الفطرى!
الكذب صفة من صفات العصبى ؛؛؛؛
كل ما بيواجه موقف محرج !! بيكذب تلقائياً علشان يخرج منه !
الكذب بالنسبة اليه هو وسيلة غير واعية لتجميل الواقع علشان يقدر يواجه الواقع من زوايا عاطفية أفضل وأحياناً من زوايا أكثر إثارة !
وده راجع لتأثير الخيال عليه !
فبيعتبر نفسه ( أنا لا أكذب ولكنى أتجمل …)
العصبى بيواجه عقبات بتعترض حياته وهى عدم الحيوية المسؤولة عن عدم أنتظامه فى عمله !
لأن معظم الأعمال المهنية لا ترضى حساسيته ولا ترضيه هو شخصياً ! بيرفض القيود والعمل الروتينى ودايما بيكون ثائر على العمل المفروض وبيؤجل بسهولة ما يجب ان يقوم به ! وده بيخليه مدير فاشل وبيعلن أفلاسه لو أمتلك عمل خاص !
بيحب المهن الإجتماعية اللى بتخرجه من الروتين اليومى .
العصبى بيحتاج حد يساعده علشان يشعر بالأستقرار لأن طبعه بيأثر عليه لدرجة أنه بيصبح ضرورة فى حياته !
مشكلة حياة العصبى اللى بتحرك إنفعاليته مبدأ (الشر بالشر ) فدايماً عنده إشكاليه مع الخير والشر ؛؛ بيفكر فى كل غريب وسوداوى والشر عنده الخيار التانى وهو اللى بينشط طاقته الحيوية بسبب الخوف أو النفور اللى بيطلقه الشر !
ولكن شره مش بيكون للإضرار بالآخرين ولكن لتغذية وإنعاش طاقته لأنه دايماً عنده تصور خيالى للدمار !
العصبى خياله واسع وذكاؤه حاد وعميق وإنسان دقيق …ذواق للجمال والجديد مما يؤهله لدخول مجالات الفن .
مخاطر طبعه بتكون فى عدم استقراره الإجتماعى والإفراط فى الكسل .
بتظهر نماذج لطبع العصبى وهى :
(العصبى الحزين ) عندما تنخفض حيويته فحساسيته الانفعاليه بتتجه إلى الابداع فبيميل إلى الحزن والكآبة .
(العصبى المتكبر) عندما يكون وعيه ضعيف فبيهتم بمظهره أكتر من اللازم وبيستخف بالآخرين وبيتكبر عليهم .
(العصبى غير النظامى)
عندما يصل إلى ضعف شديد فى حيويته ولجوئه إلى المخدرات والمنشطات .
(العصبى الفاسق)
بتكون حيويته متدنية بشكل كبير وبيعيش فى فوضى بتخليه غير عقلانى فى خياراته وبيكون مبذر بشكل كبير .
(الولد العصبى )
بيلفت النظر إليه لعدم استقراره ونفاد صبره وصعوبة تركيزه وضعف انتباه ….فطرته بتخليه يميل إلى الطيش …فى المدرسة بيكون مشتت الذهن بيفضل اللعب …ثرثار لدرجة انه بيضحم الأمور …مندفع وميال للهروب وده بيؤهله أنه يلجأ إلى الخيال الحالم فى المستقبل !
فضوليته تجاه الحياة الجنسية تأتى قبل أوانها !
وبيلجأ إلى الكذب علشان يهرب من المواقف المحرجة ؛ لا يحب القيود ؛ يكره بذل الجهد إلا فى الحاجة اللى بتهمه وبس ؛؛ وبتكون لفترة قصيرة !
(طبع العصبى )
غير مستقر – متناقض- مندفع- مشاريعه كبرى ولكنها لا تكتمل ابداً -مخادع -شديد التأثر -حساس للغاية – نفسيته هشه.
