حياتي اليوم صحيفة إلكترونية يومية
في حاجات كتيرة ومتطلبات اكثر بتحتاجها المرأة بشكل عام بصرف النظر عن عمرها أو مستوي ثقافتها الفكري أو المستوي الإجتماعي لكن كلنا بنجتمع في شعور واحد وهو" الإحتواء" ودايما الجزء دا بيخلينا ضعاف جدا أمام الطرف الأخر ونكون العنصر الأضعف في العلاقة وبنحاول بكل قوتنا نوفر العنصر دا في حياتنا كلنا عندنا صندوق الأسرار الا دايما كاتبين عليها ممنوع الفضفضة!
لكن ما وجود أقرب شخص لقلبنا بنحاول بكل جهدنا إننا نديله المفتاح ولما بيكون الشخص دا هو نفسه السبب في ضياعه بنكون عاملين زي القشة الا بتنجرف مع أول تيار يقابلها في حياتها الزوجية وهكذا من مشكله لمشكلة لحد ما تتصطدم بصخرة الواقع وتكون زي القشة الا تقدر تعوم علي المياه لكن بسهوله كدا تحركيها للمجري الا بتحددها الرياح وكأن كل دورها إن تكون عايشة عشان تتحرك من صاعقه لأخري.
لكن نصحتي ليكي هنا إلا تعلمتها من تجارب شخصية أو تجارب أقرب الناس لقلبي وقدرت من خلالها أحس معني الإحتياج الا الأغلبية مننا بيكون حاسه لكن مش قادرين نعبر عنه وبتكون أول خطوه نخطوها إتجاه الطرف الأخر هي الصراع وبتكون النتيجة النهائية تعايش كلنا منا مع الأخر بجسد فقط وليس الروح وكأننا غرباء والنتيجة النهائية الا بيوصل ليها أغلبيتنا بتكون بسبب عدم فهمنا الكامل لمعني الإحتواء أو المشاركة وإقتصار فهم الحياه لدينا علي زوج فقط وكأن البنت كل دورها في الحياه إنها تعيش عشان تتجوز من غير ما نفهمها معني كلمة زواج أو يعني ايه أسره بالمعني المتكامل.
تعالي نتخيل كدا إننا بنبني بيت فاكيد عشان اقدر ابنيه صح لازم يكون مبني بأساس قوي وأعمدة أكثر متانه (المرأة كالبنيان ) قبل الزواج تعتمد على أعمدة كثيرة في حياتها فالعمود الأول قد يكون أهلها والعمود الثاني قد يكون صديقاتها والعمود الثالث دراستها أو عملها والعمود الرابع ممارسة هواياتها وهناك العمود الديني والعمود النفسي فتراها سعيدة في حياتها وهي تعتمد على أعمدة ترفع بها نفسها وتسعد بها ولكن بعد الزواج تزيل جميع هذه الأعمدة لتضع عمود واحد هو زوجـــها !
ولكن هل سمعتم عن بنيان ارتفع بعمود واحد فتكتشف الزوجة هنا إنها طوال وقتها عايشة في عدم استقرار وعدم توزان لأنها اعتمدت على عمود واحد ولو جوزها طلقها أو أهملها تبدأ تنهار وبسهولة جدا إنها تنكسر ودا أمر طبيعي فالعمود الذي اعتمدت عليه قد ذهب أو أصبح جزءا منه لغيرها عشان كدا ليه منحولش فكره الزوج إنه يكون إضافة جميلة لحياتنا مع بقاء الأعمدة الآخرى في حياتك وأوزني بين أمورك فخير الأمور أوسطها وأعدلها وحاول دايما بكل الطرق إنك تسعدي نفسك عشان تقدري تسعدي إلا حواليكي وأفتكري دايما إن الحياة أكبر من ان نحصرها في "زوج"!
