حياتي اليوم صحيفة إلكترونية يومية
شغل العالم نفسه كتير
حروب ودمار بلا تفكير
نسيوا إن الله له أية
من غير شو ولا تصوير
**
قالوا ربيعنا عربي وهل
وف دنيتنا شغل الكل
شمسه هتطرح يوم شمساية
علي أزهاره مين ح يمل
***
فرح الورد بس دموعه
سبقت ضحكه تهد ضلوعه
فتح عينه وسط حكاية
خرجت برة حدود موضوعه
***
البستاني مغلوب علي أمره
ملهي تمللي ف كاسه وخمره
يبدأ قصة جوة رواية
فيها نهاية يومه وعمره
**
الإباحية ستار مكشوف
للي يجرب واللي يشوف
تجارة لعنة ودنيا وغاية
فين الدين نسيوا الخوف
****
استغلال وسرقة كمان
رشوة تسطر ع الأبدان
علامة وتعلا علينا الراية
تنهب منا زمان ومكان
***
الشائعات مصبوبة ف كاس
صارت لعبة لناس علي ناس
تمحي حقيقة وتعلا وشاية
بضمير ني ملوهشي أساس
***
لما كورونا زار أراضينا
من أعمالنا واللي علينا
يكتب لينا بأيدنا نهاية
مين ح يفوق ويطهر فينا
***
أمتي يا رب نعود لله
ونلقي حياتنا تبقي حياه
نرسم بكرة أحلي بداية
وكل الشعب يقول الله
وكل الشعب يقول الله
الله الله ـــــــــ الله الله
**
