حياتي اليوم صحيفة إلكترونية يومية
باقي فيكي شوية هم
شايلينه لسة علي اكتافنا
قالو الحزن خلاص اتلم
اتاريه راح واقف علي،بابنا
ياعم
ياعم خلاص كفاياك غم
ماخلاص بكينا علي شبابنا
متعيدش تاني ف بلاوينا
والخيبة تتنطط ادامنا
وحياتك ياما لمينا
خلينا نعيد تاني ايامنا
خدينا ف حضنك ضمينا
متشرديناش كدا ف الدنيا
لاحسن خلاااص استوينا
بقينا ف بلاد الخلق تايهين
وكلاب السكك تنهش فينا
بعد ماكنا اسياد وملوك
ييجو عبيد يتعالو علينا
ضمي اولادك ضميهم
وكفاية بقي غربة عليهم
اديهم خيرك يصونوه
متشمتيش عدو فيهم
اوعي
اوعي تقولي منيش قادرة
لا تقدري وقدها وقدود
ادي امانك خليكي صابرة
لجل الابن الضال يعود
هم اولادك وانتي عنيهم
زيحي الهم ارمي الغم
وخلي الفرح علينا يجود
