السبت , 28 نوفمبر 2020
الرئيسية / نفسي / كبسولات مهدئة…(موقف إيجابي)…تكتبها رشا صيرة

كبسولات مهدئة…(موقف إيجابي)…تكتبها رشا صيرة

= 1981

شخصيتك بتتحدد من الطريقة اللى بتشوف وبتتعامل بيها مع الأخرين ، فلو انت مش بتحب الناس فده بيكون إشارة لشخصيتك وطريقتك اللى بتشوف بيها الناس …
لما هدفك يكون أنك تكون الشخص اللى أنت بترغب تكونه هتتغير نظرتك للى حواليك وهتبدأ تشوفهم بمنظور جديد وجيد وهيغير طريقتك اللى هتتعامل بيها معاهم فى كل علاقاتك ….
من الحكمة ان عقلك ما يفسرش كل حاجة بتحصل حواليه وعينك ما تبصش على كل شئ بتشوفه ، وانك تسمح لقبلك حتى لو كره شئ انه يتقبله حتى لو غصب عنه !لانك مش هتقدر تغير سلوك البشر ولكن تمنى ان لا تفعل ما يفعله غيرك يوماً ما….
ما تحاولش تغير الأخرين وما تفكرش هما بيعملوا كده ليه ؟!
اوعى تركز على أفعالهم ….ركز على نفسك وبس …..
التوازن بين جسدك وروحك طريقك علشان تكون إنسان سوى
تحقيق توازن بين اللى بيطلبه جسمك واللى بتنادى بيه روحك انك تقدر تسيطر على نفسك انها ما تنحرفش ورا ما يطلبه جسدك فقط او تشبع نداء روحك على حساب جسدك والعكس !
لو أنت دايما بترسم صورة لنفسك فى خيالك وبتتمنى تكون عليها هتحس براحة لأنك هتكون فى حالة نفسية ايجابية دايماً حتى لو سيطر عليها شوية سلبية بس هتقدر تتغلب عليها ….
وموقفك الإيجابى هينعكس على روحك المعنوية وده هيزود الطاقة اللى جواك اللى هتعتمد عليها فى علاقاتك وتحقيق طموحاتك
مستحيل ان حد يملك شخصية جذابة وساحرة من غير يكون عنده موقف إيجابى ….
فالموقف الإيجابى هو أغلى مقومات الشخصية البشرية وبيثير الحماس فى النفس ويحفز على الإبداع بدلاً من الملل وعلى الفرح بدلاً من خيبة الأمل…
وطبيعى ان كل شخص تحصله انتكاسة ممكن تهز موقفه وهنا بيواجه تحدى الإرادة ومفتاحه الثقة بالنفس
فالإرادة هى قوة خفية للإنسان
لازم تفهم نفسك قبل فهمك للأخرين
” لن يتقن التعامل مع الناس من لا يحسن التعامل
مع نفسه “د.طارق الحبيب.
وفى تعبيرات بسيطة للدكتور طارق الحبيب هتقدر تشوف نفسك بطريقة إيجابية:-
– الناس يستجيبون للشئ اللى هما على استعداد لتصديقه والشئ اللى بيساعدهم انهم يصدقوا هو خبرتهم وتجاربهم -كل تجربة عشتها وكل خبرة مريت بيها منذ طفولتك لها عامل كبير فى تكوين شخصيتك
– نحن نختار كل تجاربنا فى الحياة لما كنا أطفال ولكننا بالتأكيد بنختار التجارب اللى بنعيشها الآن.
– فى خبرات بتواجهنا فى حياتنا مش بنقدر نلغيها بس بقدر الإمكان بنحاول نفهم نفسنا علشان نقدر نرضى من جوانا لأننا مهما وصلنا من الذكاء عمرنا ما هنقدر نرضى الأخرين لان شخصياتهم مختلفة
– أختيار الأصدقاء من أهم الأشياء اللى لازم تهتم بيها ومصاحبتك للأشخاص الإيجابيين بيساعد فى الأرتقاء بشخصيتك على عكس الأشخاص السلبيين هيجذبوك الى الاسفل
– الأشخاص اللى بتقضى معاهم وقتك بيساهموا فى تغيير شخصيتك ….ودايما أعمل مقارنة لشخصيتك من اليوم وبعد مرور خمس سنوات
– شريك حياتك له دور كبير بالذات لو بينكم حب هتلاقى نفسك بتأخد من سماته الشخصية .
ابقى بعيداً عن الناس السلبية , هم يمتلكون مشكلة لكل حل
ألبرت أينشتاين.
علشان يكون لك موقف إيجابى
ما تخسرش قيمتك بكلمة ، ولا تفقد إحترامك بزلة ولا تجعل همك فى الدنيا هو حب الناس لك ، فالناس قلوبهم متقلبة ممكن يحبوك النهاردة ويكرهوك بكرة !
وماتخليش همك فى الدنيا انك ترضى الناس لأنك عمرك ما هتقدر ترضى الجميع !
ولكن كل اللى تحاول تعمله …أنك تكون رحيم بنفسك علشان ترحم الأخرين.
وأخيراً….
السعادة مش حظ بيجى لناس وناس لا !
ومش فى القناعة والرضا زى ما أقنعونا لحد ما أفتكرنا ان السعادة بتيجى بوجودهم !
لانك ممكن تكون راضى وقنوع بس مش سعيد !
السعادة هى انك ما تعملش اى شئ مش بتحبه نفسك آيا كان ، مفيش شئ هيجى فى حياتك غير نفسك أنت !!! بكل تناقضاتها وتقلباتها ولحظاتها الحلوه والمره …
الخوف من الحياة هو ما يجعلنا تعساء.

شاهد أيضاً

بنحب ليه؟: الحلقة الرابعة (سيمفونية الحب)…تكتبها رشا صيرة

عدد المشاهدات = 1290 “لا توجد كلمة فى القاموس تعددت معانيها وتنوعت وتناقضت بقدر كلمة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: