—
واحشنا يا عم المسحراتي
فينك فين ايام زماااان
نستناك عالباب ليلاتي
والفوانيس اشكال والوان
اشي علي قده واشي ذواتي
لما هلال رمضان بيبان
نسمع طبلة عم بخاتي
راجل طيب ف وشه امان
نجري نسابقه انا واخواتي
ينادي علينا بكل حنان
اصحو يا اولادي يابناتي
اتسحروا قبل الاذان
الفجر حان وقرب يواتي
صلو واحمدوا المنان
عزفه جميل ولا احلي آلاتي
علي طبلة كلها الحان
ف جنة ربي يا عم بخاتي
طيبة وأصل اعظم انسان