—
ده كان حبيبى الأولانى
ده أول من إدانى الأمل
وأول من كسرنى
ده كان حبيبى الأولانى
كان أحلى شعور وأحلى جمل
وأول من قهرنى
ده كان حبيبى
كان الحاجه الوحيده الحلوه
كان بالنسبالى أحلى غنوه
طلع خيالى المريض
كتيرحلمت بيه وإتمنيت
وإتهيألى إن أنا حبيت
لقيته الوهم البغيض
أتارينى كنت ساذجه
والقصه طلعت كدبه
والضحكه إتقلبت دمعه
والحلم بقى كابوس غريب مريب
الدنيا بقت ظلام
وما أصعبها الألام
ونظرات العتب والملام
وقساوه الليل والوحده بدون الحبيب
معرفش ذنبى إنى حسيت
ولا إنى من الأساس إتمنيت
دا أنا دايما بالخير بأبدأ
بس إما سكنت جوارحى الألام
إنكتم صوتى وإتحبس جوايا الكلام
ولا مفر ولا ملجأ
حبست نفسى فى غرفتى
عايزه أعرف إيه غلطتى
معبرش عنى غير دمعتى
ببتكلمونى عن أى مبدأ
فأنا مازلت أغرق فى ندمى
وأكفر عن ذنب ليس فى الأصل بذنبى