—
يا اللى إتعمدت خسرانك
وأنا مقدرش على نسيانك
إنت اللى هواه بيحركنى
وبعده عنى مموتنى
بشتاق أكتر من الأول
ومش عارفه عن حبك أتحول
إنت الطعم اللى ملوش زى
معاك بس بحس إنى حى
بضعف وبدوب وبشتاق
دابت جوارحى من الفراق
حس بيا ونادينى
وبين إيديك خبينى
حياتى من غيرك ليل ملوش نهار
فرقه وحرقه وويل وألم ومرار
محتاج لحضنك يحتوينى
دا قلبك بس اللى بيحيينى
يا اللى ملكش فى حياتى مثيل
مينفعش يكون لى غيرك بديل
آه لو ترجع وتهون الليل الطويل
دا إنت كل شئ فى حياتى جميل
وأنا مبقتش حمل قسوه الرحيل