—
يكتبها: محمد عبد الحكيم
ست الستات.. ركبت معايا “أوبر” كانت كبيرة فى السن.. مش قادرة تقف..طيبة كدا تحسها أمك.. فجأة لقيتها بتعيط.. ودا بيحصل أحيانا بحكم السن.
سألتها: مالك يا حاجة.. إيه إللى حصل؟
وفهمت منها إن جوزها سايبها..وعيالها مشغولين.. ومحدش بيسأل عليها.
بصراحة.. قلبي اتقطع علشانها..ومبقتش عارف اعمل ايه.
المهم..ربنا قدرني وعملت معاها اللي أقدر عليه..ووصلتها وهي بتدعيلي والحمد لله.
الحقيقة إن الرزق إللى شوفته فى اليوم دا خلاني اتمنيت ان ربنا يقدرني أعمل خير كده مع حد كل يوم.. وربنا يسهلى كدا.. صدقوني مفيش خير بيروح عند ربنا أبدا..بس المهم اليقين.
ربنا بيورينا علامات عشان نشوف بعنينا..ونصدق أن الأمر كله بيد الله.. لازم منتعلقش بالأسباب ولكن برب الأسباب.
قال تعالى: (وفي السماء رزقكم وما توعدون).