حياتي اليوم صحيفة إلكترونية يومية
————-
(بمناسبة اليوم العالمى للمرأة)
ليل ونهار زي شلبية
رايحة جاية وسط المية
اغسل وامسح م الفجرية
حبة راحه بس شوية
تنطيط تنطيط طالعين نازلين
الرحمة شوية يا بني ادمين
عيال بتبهدل ولا حاسيين
لسة مخلصة كوم مواعين
والصحة بس اجيبها منين
الرحمة شوية يا بني ادميين
ليل ونهار علي دا الحال
حتي الاكل بقاله موال
طلبات عمال علي بطال
ايدكو بايدي خليكو شاطرين
بس يا ماما ما احناش فاضيين
الرحمة شوية يا بني ادمين
تعبت يا ناس بره وجوه
والبيه قاعد لي عالقهوة
لا ف يوم فاجئني علي سهوة
بهدية ولا كلمة حلوه
ويقولو علينا كمان قادرين
ياعيني علينا احنا يا مساكين
الرحمة شويه يا بني ادمين
