حياتي اليوم صحيفة إلكترونية يومية
الشعور بالوحدة احساس قاسى، يبدأ معك من احساسك باليأس وفقدان الثقة في نفسك، وتكره كل حاجة حواليك، مجرد انسان عايش وميت في نفس الوقت، جسد بلا روح، السعادة والفرحة وكل المشاعر الجميله دى مش بتمر عليك.
الوحدة، لما تلاقى سندك في الحياة بقى مش موجود، الروح اللى بتسندك وقت لما كل حاجة بتقفل في وشك، والإيد اللى بتساعدك ان تتخطى كل المحن، والفراغ اللى بيخليك تايه، وتفتكر ان الشخص لما بيروح ان الحياة انتهت بالنسبالك، هي فعلا انتهت، عشان هو مش موجود، بس موجود جواك، وبتسمع صوته وضحكته، أما الجسد فانى .
بتحس انك فاضى من جواك، عايش بلا معنى ولا هدف، وعندك اقتناع كامل انك هتعيش لوحدك، وتموت لوحدك، وتأخد خطوة التعود على الإحساس بالوحدة، وازاى تتعايشوا مع بعض !!
الوحدة، احيانا بتصل لحد الموت، لأنك ميت من جواك، لو عايز تحول الشعور دا لأمر وقتى، ها تقدر، يمكن إنك تلاقى اللى يخرجك منه، وهو نفس الشخص اللى ممكن يرجعك للوحدة تانى، ويمكن أسوأ من الأول.
لو عملت جدار عازل هتثبت انك (جسد بلا روح).. اتخلص من شعور الوحدة قبل ما يخلص عليك !!
