كلنا مرينا بنفس الشعور , حسيت بيه, فى لحظات اليأس والاحباط, دا شعور ايجابى , بينشط علاقتنا بالآخرين , فى حاله الحب, او لما نكسر حاجز الخوف من أمور ايجابية, بنخاف نأخد خطوة فيها بسبب "الفشل".
ممكن تغير !! بس بحدود .. ولكن لو مقدرتش تسيطر على قرارتك وسلوكياتك … هتفقد جمال الشعور وهيبقى شعور بالحقد لانك غير مسيطر بالدرجة الكافية … هتبقى بتبص لغيرك , وتحط نفسك فى خانه المظلوم ,وان ناقصك حاجات كتير..
لو اتكلمنا على أشكال الغيرة فهى كتير…. ممكن ان فلانه أجمل منك , صاحبك اشترى عربية, الغيرة بين الزوجين , او فلان ناجح فى شغله …حاجات كتير , بس أغلب المقارنات بتبقى بشكل مادية …!
الشعور ممكن يتحول من غيرة إلى سخط وحقد على الآخرين, لمجرد انك شايف حياتك ناقصها حاجات كتير موجودة عند غيرك, وانت لا… ودا طبعا غلط ان تصدق ان الواحد مابياخدش كل حاجة ودا غلط بردو لا احنا بناخد كل حاجة, بس بتختلف من شخص لشخص..
الغيرة فى العلاقات العاطفية, دليل على الحب, هي اثبات للطرف التاني بأنه شخص مرغوب فيه, ولكن لو خرجت عن حدود المعقول بتخلق مشاكل بين الطرفين ….لو اتحول الشعور للامتلاك والشك بالطرف الآخر…هيخلق مشاكل ويهدم العلاقة ….!
اتكلم مع اللى بتحبه …احكى اللى جواك…انك بتحس …ان بقيت مش مهم فى حياته…..زى الأول…لكن متسكتش….عشان متخسرش ..لأن الغيرة هتبقى مرض ..لو مقدرتش تتحكم فى نفسك.
دايما بتسأل نفسك: ليه هو عنده وانا معنديش؟
اعترف لنفسك انك فعلا غيران, ركز فى حياتك وبس , اشتغل اكتر على نفسك وحدد مخاوفك .. لو ركزت فى حياتك هتلاقى قد ايه انك كنت فاقد شعور الرؤية بأن حياتك مليانة تفاصيل كتير.. وانت مش شايفها بسبب ان كل تركيزك فى حياة غيرك …!