حياتي اليوم صحيفة إلكترونية يومية
—
في مقولة بتقول “أجمل شئ ممكن أن تقدمه لأولادك هو أنك تحب أمهم” ..
بيتهيألي إن أجمل حاجة ممكن نقدمها لأهلنا و اصحابنا و الناس المميزين فى حياتنا اننا نعبرلهم عن حبنا ليهم اننا نهتم بتفاصيلهم و مشاكلهم و الحاجات اللي بيحبوها ..
اننا نكون موجودين ..
حتي لما هندور علي أسباب العلاقة السوية بين اي اتنين هنلاقي ان اهم سبب ان الطرفين بيعرفوا يعبروا لبعض عن حبهم بطرق كتير…
مينفعش أكتفي بإني أقول انا بحب اهلي او صحابي او شخص معين من غير ما أبين ده فى تصرفاتي ..
مينفعش نخبي عن الناس حبنا ليهم ….
تعبيرك عن حبك هيفضل دايما حل لكل المشاكل .. هيفضل سبب رئيسي مخليك حاسس بالراحة النفسية ناحية كل الناس اللي بتحبهم ..
عبروا عن حبكوا قبل ما الوقت يعدي و تتمنوا يوم واحد بس تقولولهم فيه قد ايه كنتوا بتحبوهم.
