حياتي اليوم صحيفة إلكترونية يومية
( يا #سيادة #الرئيس #عبد #الفتاح #السيسي..
نفسي اقراه عليك. دي هديتي ليك….
(#اخر #مكتوب.. #من #صميده #ولدي..)
في ساعة مغربيه دق
الباب ابن جارتي الست تريزه..
وقالي يا خاله معايا مكتوب،..
ليكي من صميده..
قلبي اقسم بالله من مكانه فط..
وكأنه فار وبيجري خلفه قط..
بعد ما قلته اقراه يا ولد..
سمعني ايش كاتب صميده..
اد ايه الواد متوحشاه..
ونفسي في صدري احضنه والقاه..
واعرف كيف اخباره وخطاه..
للحظه سكت وقلته لا ماتقرهوش يا ولد..
مد يدك عاوز ادذه في صدري..
واشمشم علي ريحته فيه..
شي عن جد خوافني..
وحسيت برهبه ورعشه بجتتي..
ونمل سارح من راسي للكعبين..
وكأني تايه ولا خابره انا وين….
……..
قالي علي كيفك يا خاله..
رد ابوه وقالوه اقراها يا ولدي..
عاوز اسمع اصبري شوي.
وبعدين خدي الورقات..
بدا…. الولد يقراها..
كيفك يام وكيف اخبارك..
واخبار ابوي واخواتي..
وكل احبابنا وكل شي عنديكم..
حتي النخله اللي قدام دارنا..
والساقيه والتوته كيفكم وحشتوني..
ووحشني كل شي والشاي من يدك الصبحي..
وكسرة العيش وبق المي
……….
واحشاني ياغاليه احب اطمنك يام
انا عال والحال هنا تمام..
كلنا قلبنا علي بعضينا..
يد واحده والرب راعينا..
مش قادر يام..
اوصفلك جمال سينا..
ولا الواحات ولا كل شبر بأرضينا..
ادعيلنا يام المولي يحمينا..
انا عارف انك خايفه..
وقلقانه مش عليا بس لا علينا..
م انا خابر ان كل ام بمصر ام لينا..
وقلبها ملهوف علينا…
اسمعي يام المكتوب دا مش..
زي اي مكتوب اقريه مرات..وألوف..
احفظيه يام عن ظهر قلب..
ووصي بيه العيال الصغار.. اخويا
وولاد خوالي واعمامي..
وكل اهل الدار…
قولي لهم دا من صميده..
اللي عاوز يحب مصر يطلع..
ع الحدود ويبص بصه للسما..
ويدعي ربنا الموجود..
سبحانه خالق الوجود..
اقسم بالله رغم الصحرا والرمل وحرقةالشمس
هاتشعر انك بارض غير الارض..
فيها رضا وامان سبحانه المنان..
عطاه مالم يعطيه لاي مكان..
اسمعيني وافهميني..
انا عارف انهم كل يوم يذيعوا..
عن شهداء ماتوا بيد خسيس جبان..
وعارف ان الدموع غرقت الارض
وبللت الجدران…
والخبر مسمع في كل مكان..
والقصد منها يزلزلول الجدعان..
وان مافيش لمصر آمان…
وان حكمها مش ماسكين اللجام..
………..
فيه اللي حزين وفيه اللي فينا شمتان..
ماتسمعيش ليهم يام..
دا كله ……اوهام……
احنا ما بنموتش احنا بنعيش..
ولادها يام دراويش…
دم الشهيد يام هو الدم الوحيد..
اللي الارض فيها مابتطرشوش ..
بالعكس يام الارض
بتتباها بيه وبتلبسه طربوش
بزر وتتعايق وبتقول للكل
دا دم ابني راوني بيه
لاجل مايحميني..واعيش
……..
هاخده في حضني
واضمه ضي عيني..
واطبطب كل ليله عليه.
……….
انا شايفك اهو بتبكي..
سامعك وحاسك يام..
جففي دموعك واوعاكي تبكي ..
يانور عيني وان جالك خبر وافتي..
…..
حلفتك بالله لتزفيني..
وتزغرطي وتمشي بمشهدي
مسنوده وقايمه راسك لفوق..
وقولي بقلب قوي..
طالبه العزيز لفوق..
………
احب خبرك بشئ يام.. صميده..
اسمعي وافهمني تمام…
عشان الكلام دا له عوزه ومقام..
من يوم مابعتولي..
جواب الاستدعاء.
وانا قولت للقياده انا مشروع
شهيد واقسمت بالله المجيد…
لاجيب حق اخواتي..
واخلي مصر تسهر ليله.
كل ليله ف عيد…..
………
وصيتي يام….
خدي بدلتي الميري..
علقيها بدمها علي باب الدار.
وسمعي كل الخلق …
كبار….. وصغار…..
وقولي مصر عمار..
وكل ليل يا خونه.
آخره نهار دي حكمة
الله …..الجبار
……..
قولي لاخواتي وعلميهم..
يعني ايه شهيد يعني عزه وشرف
علميهم ان مصر مش بس وطن..
مصر نعمه وهبهلنا القدر..اهوا انتي وابويا
وحلفتكم بالله لترضي بقضاه..
واقري القرآن وسبحي
باسمه الواحد الاحد المنان
وقولي مصر باقيه علي مر الزمان..
مصر العيله واللمه وصوت الآئمه..
مصر الجامع والكينسة..
مصر محمد ومينا..
مصر وصية نبينا..
مصر مريم البتول..
مصر ارض الانبياء..
منها زوجة الرسول..
ام ولده ابراهيم..
مصر جبل الطور..
منها كلم الله موسي..
مصر تربها متعطر بخطوة
نبي الله عيسي..يلاااا همي يام….
انا جايلك ملفوف بالعلم…..
يلا يام زغرطي..
واحمدي وكبري..
واستبشري راح اطلب..
من ربي يحقق مطلبي
انك يام تقدري..
وتقدمي اخواتي فدا هما كمان…
وختم المكتوب بالصلاة علي النبي..
………..
مسحت دمعي ولبست توبي الجديد..
وقولت للكل اليوم عيد…
زغرطي يا تريزه وانتي يام سعيد..
ولدي صميده جاي ع الطريق…..
ملفوف بالعلم مين زيه
ومين زي ا النهارده ام الشهيد.
يا سيادة الرييس عندي غيره
تلاته كمان ابعت خدهم
وجندهم ويعودوا ولا مايعدوش..
انا ولادي كلهم مشروع شهيد..
يحميك ياريس ويحمي مصر.
وتعيش امنا كلنا ديما في عيد…
الف رحمه ونور عليك ياصميده انت وغيرك يا ضنايا…
بيكم انتم مصر ديما ف عيد
كل مصر ياريس مشروع شهيد…
