الشاعرة أمل فرج تكتب: عزف همسك..!

عدد المشاهدات = 1786

بعترف …وحياة عيونك
اللي ياما شوفت فيهم
دنيا تانيه….
وف كفوفك
اللي نمت بشوق عليهم
عدي ليلي قوام ف ثانيه
لاغزل العشق لجفونك
واما اشوفك
احضن الساعات بأيدي
لاجل شوقك
كل لحظه ازرعه ريحان لقلبي
يبدر الضحكه اللي سارحه
باشتياقي واعشقك
واجدل نسيمك
اللي هفهف جوه كوني
يروي تكويني اللي دايما
وحشه همسك
يمكن اقوي
اصل حبك نار بتقوي
غيرت عمري وسنيني
واعترفلك…..
ان حبك
سهمه صابني بالجنان
كل يوم باشتاقلك اكتر
ياللى همسك ليا عزف ع الكمان