حياتي اليوم صحيفة إلكترونية يومية
على هامش
روايه اسمها الاراجوز
وخط بطوله عالصفحه
على اسمي وفين ماتعوز
تلاقي ملامح القصه
ونفس الدمعه والغصه
وتجعيدة مابين لالوان
ماهيش بيضه ولا خضرة
تملى البهلوان باهت على وشي…
تشوف صورتي اللى مش واضحه
كما طاير جناحه عجوز
وريش عاجز عشان طيبتى
مش ابن وزير
عشان حقى فيوم اخده
رواني الزير وقوتى رغيف
وغمسته بشقى والدي
وكان دايما يسكتنى
بانى فيوم اكيد هاكبر
ولا كبرتش
مابين الخد والحاجب
مافيش افراح
ونني نفسه م الاخر
فى يوم يرتاح
وظلم الناس فنفس الكاس
بيتعبا ولا يفضى
بلاوى لناس قصاد عينى
اقول هرضى
ونفسي فتوب يكلفتنى …
وفاض الكيل .وهمي تقيل .
وليه الدنيا لاويه البوز..
صرخت بصوت ماهوش طالع
بيتحايل عليها فيوم تفرحنى
واعاتبها تملي وليه بتنسينى
ترد عليا باستحقار تعايرني ..
ومين انت ماهوش زمنك
ضميرك حي ضاع حقك
كما قبلك كما والدك
مافيش ترياق لاحزانك
فبيع اصلك وبيع اهلك
وبيع حتى كمان ارضك
عشان تبقى بطل فيها
ماهوش اراجوز…..واضحكلك
واتمايلت عليا بكلمتين حلوين
واحزانى بتتلهف
بتسكر من خمور زايفه
وجوفى كان كما علقم
سقتنى بايدى مش ايدها
حبوب لنفاق وبين انفاق
لماضي فيه انا الاراجوز ..
.جدار ينهار
وشفت عرايس الاشباح
فجيت انطق نطقت نفاق
حاولت اسكت مابعرفشي
شيطان ددبان على لساني .
كدبت .سرقت .
حتى قتلت كات نفسي ..
حاولت ارجع مابرجعشي
وايه الفايده مانيش انت
ولاحتى انا استاهل
ولو حا اكبر اكون ابنك وماكبرتش
فماتلومنيش عشان بحلم
والبس توبها الوردى
وبتمعشق على بابها
واقول بكره
بحلو الدنيا حاهتجودلى
خلعت الفقر من توبه
وبدلته بتوب الدود
فضلت فيها اتوجع
وانا بهرب كما المطرود
دى دنيا ياابويا قلابه
فيها العالى بينزل تحت
وانا اتشعبط ولاوصلتش
سألت كتير
وقالوا لى عشان اوصل
بايدك تقتل الاراجوز
