الخميس , 17 يوليو 2025

‫‏ياسمين الشاذلي‬ تكتب: مفيش نية !

= 2053

Yasmen El Shazly


لأ معنديش نية احب واكون ضحية
راضي انا بحالي
وكافية خيري شري ومدّارية
خلي حبك
للي بتدلع سعاتك
واللي بتقولك يابيبي
واللي غاوية

أما انا فانا طبعي حامي
مش هتفرق في الأسامي
تبقي محسن تبقى فوزى
تبقى عنتر تبقى سامي
تبقى زى ماتبقى ولكن
المباديء شيء أساسي

غصب عنك راح تخون ؟!
مين بيغصب في الخيانة!؟
المشاعر م اللي خالقها أمانة
صون تصونك
حب ربك..
حب نفسك..
حب كونك..
حب مزيكتك ..
جنونك

لو تصوني تبقى تاج دايما ًع راسي
بس دا لو كنت هاقبل
م البداية اني أكمل
خلقي ضاق مش ليا روح
أفضل استنى في رنة
أو رسالة تبل ريق
أو تفوت أيام عليا
نفسي أقابلك في الطريق
واتكسف واجري وقلبي يدق دق
ياعم لأ

لأ معنديش أى نية
هو انا ناقصة قسية
سيبك انت من كلام العين وفوتنى
قلبي خد ع الوحدة دية

logo - Smallest

شاهد أيضاً

مجاهدو غزة … أساطير المقاومة التي أذلت الإحتلال 

عدد المشاهدات = 1209 بقلم : يامنة بن راضي – الجزائر  عندما يلتقط المؤمن الأسرار …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.