حياتي اليوم صحيفة إلكترونية يومية
—
إحنا اللى بنخلق مواقف تحسسنا بالتوتر نتيجة كل اللى بنشيله جوانا ….
فالمشاعر المكبوته جوانا ومعتقداتنا وتصورنا عن أنفسنا والآخرين بيخلق جوانا أحداث فى العالم بنوجه إليها الإتهام ونحملها مسؤولية ردود أفعالنا
وده اللى بيخلينا كلنا نعيش فى الوهم!
الوهم عكس الخيال…
الخيال هو عالم بتبنيه من نفسك من غير ما يساعدك حد فيه ولكنك على علم بالواقع وبتعيشه…
أما الوهم أنك تبنى نفس الأحلام اللى بنيتها من خيالك لكنك بتعيش فيها ومش بتعترف بالواقع !
ساعات بنعيش الوهم بس فترة لا تتعدى دقائق أو ساعات وبنفوق وبنرجع تانى للواقع حتى لو كان بالنسبة لينا أليم !
لكن بيفضل الوهم أمنية نفسنا نحققها بس بتفضل تيجى وتبعد مرة تانية ….
الوهم هو هروب من الواقع وحقيقته المخجلة …
بس الفخ انك تقع فيه وما تعرفش ترجع الواقع!
