حياتي اليوم صحيفة إلكترونية يومية
—
أحنا عايشين علشان نتحب ونحب ونعمل اللى بنحبه لينا وعلشان اللى بنحبهم …
بنجمل فى نفسنا وشكلنا وننجح ونشتغل علشان نتشاف كويس …علشان نتقدر …
علشان نكون فى عيونهم حلوين ولما يشوفونا نحسه من لمعه عيونهم فتنور وشوشنا…
بس مش كل اللى حوالينا بيعرفوا يشوفونا حلو ولا بيعرفوا يعبروا عن ده …
كل حاجة بتعملها علشان تحقق ذاتك بس برضو لازم تحسها من غيرك بانه يفرحلك وانه يشوفك …
صديقتى فاتن…علمتنى كل ما تشوف حاجة حلوه على حد انها تقوله قولتلها فى مرة ممكن حد يفتكر انك بتحسديه …
قالتلى بالعكس أنا بأحب الحاجة الحلوه وبأحب أعبر عنها …
اتعلمت منها أقول لغيرى أنه حلو ..
وبأشوفها دايما جميلة …
وعلشان كده بقيت أحس أنى جميلة…
بس أصعب خذلان أنك تستنى أن حد يشوفك …
تتوقع منه انه يفرحلك لنجاح أو حتى يشوفك جايب حاجه جديدة ويفرحلك …
فى كُل مرّةٍ أُحدّثك عنك بحُلو الكلام..
لا أكونُ أبداً غافلاً عن عيوبك..
أنا فقط أختار أن أرى وأصِف الخيِّرَ والجميل فيك..
لأنني أؤمن بأن ما نُسلّطُ عليه الضوء ينمو.
