حياتي اليوم صحيفة إلكترونية يومية
تكتبها: دعاء السيد
———————–
احنا ليه بنصوم؟
ياتري علشان فعلا زي ما كان بيتقال لنا واحنا صغيرين علشان نشعر بالفقراء ونحس بيهم، والفقراء برضوا بيصوموا هما كمان ها يحسوا بمين؟
يا ترى الصوم علشان نجوع ونعطش ونصدع أكيد ربنا مش عايز يعذبنا والحكمة أكيد أكبر من كده بكتير.
الحكمة الأساسية علشان نصوم هي تدريب النفس علي كل ما هو صعب.
لأن الصيام هو تحكم النفس في الشهوات الحلال (أكل وشرب…) بيكون أمامك الأكل الحلال ولكن في توقيت معين تاكل وتوقيت معين تمتنع، وبكده بيكون اختبار لترك كل ما هو حرام، وانك تقول لأوامر الله سمعا وطاعة، وده التسليم المطلق، وهي دي الحكمة.
انك تقدر تتحكم في الحلال وبكده بيكون سهل انك تعرف تترك الحرام وتتحكم فيه وفي كل ما هو صعب.
-سبحان الله- حكمة الصيام عظيمة بلاش نختصرها في جوع وعطش.
