حياتي اليوم صحيفة إلكترونية يومية
قلبى اتمزّع محتاج رقعة
ابرة وخيط وحانكتب اسمه
خط يكون بالرقعة وواضح
واعمل زار
واطرد قلبى خلاص م البيت
واجيب كوديا لبسة ملون
وبتتلون ويا صاجاتها
ولا حسيت
راحت لفت حوالين وسطى
حافر طنجور كنت انا ساكته
الا باسمه الساكن شوفى
نفض القلب وبيه غنيت
قامت عزفت على الطنبورة
امشى يا جن وغور من روحها
وقت ساعتها انا اتخضيت
اصل الوجع الساكن جوفى
مهما اتوجع من برايا
بيكون اقوى وانا اتهديت
ياما سامحت واقابل نوة
منه بقوة واجرى اتخبّى
جوة الدمعة انا اتدفيت
لكن هو قساه بالقوة
واما بنشكى يقول مليت
وارجع تانى اخيط روحى
بالمزمار والضمه فـ جروحى
فتله تقولى لاء مش طالع
بس التانية تقولى ياريت
واغرز ابرة فـ داخل بوحى
وامشى فسكة القاه بيخطى
جوة الخطوة سبقنى بخطوة
انا شكيت
ان الجنى الداخل روحى طالع منى
روحت جريت
انتى يا كوديا رديه ليا
بالارغول غنيله اغنية
انا حرمت ومهما عملت
مش راح افكر تخرج منى
ياللى سكنّى وروحت بكيت
ارجع تانى وخش مكانك
بندم علشان فيك شكيت
