الثلاثاء , 31 يناير 2023

“إفضح واجرى” …. بقلم: هند عبد الغنى

= 2187

إلحق فضيحة الفنان (س) مع الفنانة (ع) لو عايز تشوف الفضيحة وتفاصيلها كاملة ادخل على اللينك ….

إلحق فضحية مسؤل كبير بالدولة متورط بالصوت والصورة بقضية رشوة كبيرة تقدر بالملايين اضغط على اللينك لمعرفة التفاصيل ….

إلحق ….سقوط فنان مشهور متورط مع شبكة دعارة بمنطقة () …

إلحق القبض على فنانة بحوزتها مخدرات ….

إلحق إلحق بقت كل الاخبار كدة وكل المواقع كدة والمصيبة السودة المهببة ان صفحات الاشخاص العادية كمان بقت كدة
كأننا ملايكة عايشين عليها ومش بنغلط، احنا مينفعش اصلاً نتكلم على حد فى غيابه متخيلين بقى لما نخوض فى اعراض الناس وسمعة الناس، والله احنا مليانين عيوب بس ربنا ساترها معانا بس لو استمربنا على فضايح الناس والخوض فى اعراضهم كدة الله اعلم حينزع ستره من على مين وامتى
انت متحطتش فى نفس الموقف علشان تقعد متأنزح اوى وتقول فلان عمل وفلانة عملت.

انت قاعد فى مكان وموقع تانى خالص قادر ربك لو اختبرك تطلع الاسوأ فى كل حاجة فبلاش صيغة الملايكة اللى بتتكلم على الفاضى والمليان …

واتمنى الدولة تعمل قانون يقنن نشر أى خبر لم يتم الحكم فيه على المواقع الاخبارية لأن ببساطة الفضيحة بتاخد صفحة والبراءة لو ظهرت بتاخد سطر
ارحمونا وارحموا نفسكم من مبدأ افضح واجرى محدش عارف مين عليه الدور.

من الآخر أُستر تُستر.

شاهد أيضاً

زوجي لا يغازلني…!

عدد المشاهدات = 6720 بقلم: عادل عبدالستار العيلة تشتكي كثير من الزوجات من أن زوجها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: