الأربعاء , 28 فبراير 2024

“إفتحوا للحب مطرح”..قصيدة بقلم الشاعر صابر عويس

= 1969

إفتحوا للحب مطرح
إجمعوا فيه الحكاوى
إزرعوه بالأرض تطرح
سنبله وورده تداوى
ليه نعيش بالكره واحنا
أد ماجرحنا إنجرحنا
أد ماحزنا فرحنا
إيه يفيد وإيه يساوى
هى دنيا بينا راحله
وبإيدينا نعيش ونحيا
تبقى فرحه نعيشها أحلى
ولااا حزن وقلب خاوى
إبعدوه … ليل الجراح
إندهوه … فجر السماح
يتولد … نور الصباح
نور يقرب نور يداوى
نور يدوب كره فينا
نور يقرب حب لينا
نور حاضرنا ونور ماضينا
نور بيعشق .. كل غاوى
إفتحوا للحب مطرح
إجمعوا فيه الحكاوى

شاهد أيضاً

“لا تجادل” ….خاطرة بقلم: نبيلة حسن عبدالمقصود

عدد المشاهدات = 2841 (وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.