السبت , 25 مايو 2024

“أنا ليلاك” … قصيدة عامية بقلم الشاعرة عبير مبارك

= 11040

بس يا سيدي
وقولنا خلاص إن أنا مش ليلى
وفرضا يعني
إن الفرصة ماهياش هايلة
ووهماً يوماً
شوفتك قيسي
ورميت حمل القلب عليك
أتاريك كنت الحيطة المايلة
خدت آمالي واتهديت
لما وثقت إنك حتصوني
وتحفظ عيشي وملحي
اكمني
عبيطة وخايبة
وهم الحب
بشوفه حقيقة
واتشعلق في حباله الدايبة
وجايلي تقولى ماكنتش ليلى
أيوه أنا ليلي ومانيش غيرها
واتمنيت تملك مشاعرها
تبقى قصيدة
وانت شاعرها
خليك تايه جوه هواك
عيش ف الوهم إن انا عشقاك
غصبن عنك أنا ليلاك
طيفي محلق جوة سماك
تتمنى تشوفني ف أحلامك
‏ وأبقى الشمع ف ليل أيامك
‏ واقضى الجاي من عمري معاك
قالوا زمان العشق جنون
ومافيش قيس في الكون بيخون
وانكر قد ما تقدر تنكر وإنسى إن عيونك فضحاك
أنا ليلاك وأنت عاشقني وباتحداك.

شاهد أيضاً

أفندي كروب تحيي المهرجان الدولي السنوي للفلكور الشعبي لعام 2024 بالتشيك

عدد المشاهدات = 1129 تألقت فرقة أفندي كروب، في المهرجان الدولي السنوي للفلكور الشعبي لعام …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.