حياتي اليوم صحيفة إلكترونية يومية
تفتكروا ليه الورد بيبقى أحلى هديه؟
من حبيب لحبيبته ومش بس كده هو معانا فى كل حاجه فى حياتنا !
يعنى ممكن صديقة تجيب لصديقتها ورد.. أو واحد يفاجئ مراته او خطيبته ببوكيه ورد شيك!
قد كده الورد له قيمه عندنا..بوردة لونها أحمر تنزع الخلاف اللى ما بنا.. قد ايه الحياة بسيطه مش محتاجه تعقيد.. زى الورد كده.. بسيطه ولونها جميل.. ورائحتها حلوة.
خليك انت كمان على طبيعتك وبسيط من غير تعقيد..مش محتاج تتبع العشر خطوات فى التعبير عن الحب، ولا طريقه مبتكره، ولا كيف تجعل هذا الشخص يحبك..الحاجة دى عمرها مابتيجى كده لا بالخطوات ولا سحر ولاشعوذة.
الوردة زى الحب.. لو راعيتها واهتميت بيها هتفضل معاك.. رائحتها حلوة وشكلها جميل.. ولكن لو اهملتها هتموت وتتبدل وتسيبك وحيد.
ممكن كمان تعبر عن حبك وسعادتك بشخص من وردة.. مش بس الكلام الحلو..ومش اى ورد خصوصا الورد الاحمر فهى لغه لا يفهمها الا العاشقين ..ده كمان بيعبرعن اللى فى قلوبنا من مشاعر وأحاسيس ..ويحمل أغلى معانى الغرام..وهو أفضل طريق لحل المشاكل وخصوصا "العاطفيه".
الورد هو لغة الحوار الصامت فى علاقات الحب..وله سحر جذاب مع كل لون ورده تعبر عن معنى من معانى الحياة ..الورد البنفسجى يدل على الإخلاص..الأبيض يدل على الصفاء والطهارة والعلاقة بين شخصين..أما الورد الأحمر فيدل على الحب والجرأة.
الورد أخيرا كائن حساس يثير البهجة والسعادة فى نفوس البشر..فهى تبدل مشاعر الحزن والكآبة الى الحب والفرح.. فكر إزاى تسعد اللى قدامك بوردة!
