حياتي اليوم صحيفة إلكترونية يومية
البلد دى بقت تحرق الدم.. تنزل الشارع شوية تغير جو تتغم.. والبنات والشباب بقوا بيقولوا ألفاظ متتقالش.. وقال ايه تلاقى اللى راكبلك عربية آخر موديل.. وتلاقى البيه بيرمى الزبالة وهو سايق من الشباك..تيجى بقا تركب المترو تلاقى ست كبيرة واقفة بعكاز.. والبت قاعدة على الكرسى بتلعب ع التاب..
واما بقيت تقول لحد ميصحش بقا.. يقولك انت متزمت ليه متعقدهاش.. نيجى بقا نشوف الاعلام بقا كله تحرش واسفاف.. واما تيجى تقول لأى شاب نفسك ف ايه..يقولك نفسى اهج من البلد واسافر ومرجعلهاش تانى.. اصل دوقت فيها المرار الطافح..
دا الحق بقا فيها متاكل.. والقتل بقا شئ عادى.. ولون الدم مبيفارقناش.. هو مفيش حد فينا ملاك.. بس في اللى جواه شيطان..
وفي الأول وفي الآخر مش هنقول غير "لا حول ولا قوه الا بالله".
