حياتي اليوم صحيفة إلكترونية يومية
لسه برد إيدي محتاجلك
لجل ما تيجي وتدفيه
بهرب م الشتا وأرجعلك
رغم حبي إللي مداريه
…
كام مره قلبك عني يبعد
وألقى قلبي محتويه
لسه نبضي حتى يشهد
إن روحك بس فيه
…
وتمر شهور وتمر أيام
و أنا نفسي أشوفك جوة منام
و ف كل لحظه أنده عليكي
ترجعي وترجعيه
…
القلب إللي محبش أدك
قررتي ف ثانية أوام تبيعيه
وازاي كان سهل عندك
تقرري تبعدي و تنسيه
…
بعدي عنك أشبه بماضي
خالي م الذكريات اللي فيه
أما قلبي لسه فاضي
واللي حصل كان غير إرادي
حبنا مكنش عادي
علشان بسهولة نفرط فيه
…
لسه مشاعري سايبة
فيكي كل آمالها
كل حاجة لسه ف مكانها
…
بس انتي مش موجوده ليه !!
بس انتي مش موجوده ليه
———-
عمرو ناصر مسعد
(مشروع كُتاب)
