حياتي اليوم صحيفة إلكترونية يومية
—
بقلم: مواطنة مصرية
انا عمري ما قول انزل شارك في الانتخابات كده عافية
ولا اقول لو انت ماشاركتش انت خاين مش بتحب بلدك… يمكن بتحبها اكثر مني
بس هقولك حاجه في ودنك اخويا واختي المصريين
ينفع نزعل من بابا ونطلع نفرج الجيران علينا ؟؟!!
ينفع اكشف المستور ادام الجيران..وعلى راي المثل ..انشر غسيلي ال…. ادام الناس!!؟
نفكر شويه…
صحيح كلنا زعلانين من ضيق المعيشه وغلاء الاسعار وبنعاني ..
زعلانين على الشهداء …لكل واحد حب بلده ونيته كانت صادقه بغض النظر هو شاف مين الصح…وتأثر بمين..
شايفين سلبيات ..وبردو ايجابيات ماننكرش..
مافيش بيت من غير مشاكل وظروف وامواج عاصفه وايام هاديه وسعيده… ولا ايه…
ولو كنا في اي بلد ثانيه كنا بردو هنعيش الحياه بشكل تاني بس مبداها واحد تقلبات والوان مختلفه
البيت اللي بيلم مشاكله في حدود جدرانه وومابيطلعلوش صوت ولما يقابله حد من برا يكون مبتسم… بيت سوي بيعيش وبيتحسن للافضل
كل فرد فيه بيقوم بدوره مش بس بيقول فين اللي ليا!!
فبيكون بيت متماسك لا تعصفه الريح ولا تسقطه الزلازل.
