حياتي اليوم صحيفة إلكترونية يومية
—-
جربت مرة تحاكي عيون الليل وتشكي الآهات
أو تفتح خزاين ذكريات وتتحسر على اللي فات
وتلاقي الحزن ضيف تقيل بيبكي ولصوت البكى أنَّات
طب جرَّبت تعاشر خاين وتسكُت عشان شايف في عينيه جبروت
أو تكتم جوَّاك الآه ومش عاوز غيرك يسمعلك صوت
وتبص في مراية أحلامك فجأة تلاقي ملامحك شاهت وعمرك بيفوت
طب جربت تعافر في بحر غريق مالوش شُطآن
بتتمنى تعيش عصفور طليق من غير قيود ولا سجَّان
سُلطان في نفسك عاشق للحُريَّة وكاره للأحزان
بتدوَّر جوَّاك وحواليك على معنى الإنسانية وقيمة الإنسان
جرَّبت تعيش ….إنساااان
