حياتي اليوم صحيفة إلكترونية يومية
كنت فاكره..
انى ممكن ابقا فكره تستنا لبكره
فى دنيا جميلة هتسعنا
انى ممكن ابقا روح ناعمه
تجًمل الأشياء تخليلها معنى
كنت فاكره …
انى ممكن ابقا حقيقة واعيه
ترشد التايهين للطريق تجًمعنا
أو ابقا ضوء .. ينور
يطمن اللى جاى فى الطريق معنا
أو انى ممكن ابقا طير بجناح كبير
أطوى بيه كل السنين ولا حاجه تمنعنا
فعدى اسرع.. لحاجات كتير لحد ما كل الدنيا تسمعنا
كنت فاكره ….
انى ممكن ابقا راحه ..ابقا بسمه ابقا كلمه بتدفعنا
ترسم على الوشوش الف ضحكه وضحكه تلمعنا
تتلون بيها القلوب الوان كتير
فتتطرح على الخدود فرحه تدمعنا
كان نفسى أكون .. وأكون .. وأكون
لكن خساره مش كل اللى نطلبه بيكون …
وده كان ده ايه كله.. حلم…
ولا مجرد بس فكره بتوجعنا …؟!
