حياتي اليوم صحيفة إلكترونية يومية
أحب امّا أقرا أقرا كتاب
فعلن فعلن فعلن فعلن
وامّا أجوع أنا أشوي كباب
وامّا اتّحب.. يُدق الباب
ولمّا اتجوز.. كتْب كتاب
ويبقى عريسي يِسدّ الباب
واذا كان بابي شويّة موارب
لا هقول بابي ولا قول مامي
أجيب مُسمار وبالقُبقاب
ولا هتبقى عِشتي هِباب
أحب امّا أقرا أقرا كتاب
وأمّا اتستّت أخلِّف سِتّة
وكمان سِتّة يِمْلوا الحِتّه
يجيبوا لابوهم ضغط وسكر
ويِشحت حافي عل الابواب
ويجي العيد هناكل لحمة
يضرب بوزهُ ف بوز الحيط
وصاحب البيت عاوز الاُجرة
وأُجرة ف أُجرة وتعال بكره
أخرتها يقولي: بيعي كتاب!
أحب امّا أقرا أقرا كتاب
قلت اتنيَّل ابيعله كتاب
ساعتها ما ليش غير عم حسين
أخدت معايا الواد حودة
ورُحت اتسنْكح عل الكورنيش
ألاقي حسين بتاع التِرمِس
يِلمّ عليِّا سِتّ شباب
أحب امّا أقرا أقرا كتاب
واِجري يا بِت أوام عل البيت
بلا لف سيجار بلا بَرم اِشناب
ولاميت قُرطاس ليكم يا ذئاب
يتباعوا بلاش عند الأسباب
روَّحت البيت أنا للأحباب
سكّيت الشِّيش. وفتحت كتاب
————–
* شاعرة فلسطينية.
