حياتي اليوم صحيفة إلكترونية يومية
بصبح عليكى حبيبتى يامصر
يا شمس الدفا ونور النهار
يا ارض الامل والخير والعمار
ياحلوة يا عايقة بلون السمار
يازينة يا فايقة العيون بانبهار
جمالك يفوق جمال كل عصر
بصبح عليكى حبيبتى يا مصر
بحبك يا صابرة يا عشرة سنين
يا صوت المحبة وصوت الانين
يا واشمة ف قلبى الهوى والحنين
دا عشقك ف قلبى بنى الف قصر
بصبح عليكى حبيبتى يا مصر
ف حضنك امان يا بلد الحناين
يا عطر الربيع يازهر الجناين
يا كنيسة يا جامع بناه الى صاين
ودادك وحبك مالوش اى حصر
بصبح عليكى حبيبتى يا مصر
