الأربعاء , 28 فبراير 2024

نيرة الإمام تكتب: “إنت الحب”

= 2346

 

جمبك بحس بأمان
محستوش من زمان
حبك ليا ده نهاية الأحزان

قدامك بنسى روحى
بنسى أحزانى وجروحى

الوقت معاك بيعدى ثوانى
وأنا كل ملامحك وحشانى

الوقت فى بعدك بقى ليه مبيعديش
وأنا من غيرك مبقتش عارفة أعيش

يا اللى الكلام في حقك ميكفينيش
خبينى جواك ،غرقنى فى بحر حب مينتهيش

أنا طول الليل صاحية بفكر فيك
وكل الأحاسيس اللى فيا بتناديك

من يوم ما قابلتك ملكتنى
صحيت إحساسى؛ أسرتنى

قلبى بقى بيدق وسريعة دقاته
وكأنه بيقلك إنك بقيت سر حياته

أول ما بشوفك أنا بتسرق منى
نظرات عيونك حنونة وبتجننى

بحس وأنا جمبك إن روحك بتحضنى
مهما تجاهلتنى أو إنشغلت عنى

إتمنيت لو يكونلى حتة في قلبك ولو كانت بسيطة
بعد اللى حسيته منك مقدرش تانى أكون وحيدة

يريت لو نسافر لمكان ميكنش فيه غيرنا
وبأجواء صامته نقدر نعبر عن مشاعرنا

إنت اللى خليت للحياة قيمة ومعنى
أسعد لحظات حياتى اللى بتجمعنا

أى حد هيشوفك مش هيقدر على نسيانك
ولا هيحتاج غير إنه يكون بين أحضانك
ويحس بيك ويغرق فى حنانك

لمست فيك حجات كتير مش قادرة أوصفها

بس وأنا قصادك بحب أحسها منك وأعيشها

من يوم ما سكنت روحى وأنا حاسة بالقوة
وعرفت بيك طريق البهجة والبسمة

بقيت بعيش على لحظة كنت فيها معاك
يا رقيق الحس ما أجمل من لقياك

 

شاهد أيضاً

“لا تجادل” ….خاطرة بقلم: نبيلة حسن عبدالمقصود

عدد المشاهدات = 2860 (وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.