حياتي اليوم صحيفة إلكترونية يومية
كلنا كنا عايشين حياتنا …من أول ما نصحى لحد ما ننام …
بنلف فى ساقية بتفاصيلها المزعجة والمؤلمة ساعات …
واللى مليانة روتين وضغط نفسى وعصبى
وماشيين مكشرين بناخد نفسنا بالعافية
وبنضغط على اللى حوالينا …
فجأة!!!!
كل حاجة وقفت
وكلنا اتجبرنا نوقف الساقية …
غصب عننا …
أوعى تزعل وتدخل نفسك فى دايرة توتر بسبب ده !
اعتبرها فترة صيانة مجانية لنفسك
تريح فيها من الضغط والتلوث وكتر الاختلاط بالبشر اللى كنت مجبر تستحمل تصرفاتهم
وكنت بترجع محمل نفسك كل اللى شوفته وبترميه على اللى معاك..
فكر فى طريقة صيانة نفسك …
وفى حاجات كنت بتتمنى تلاقى وقت تعملها
وحاجات نسيت انها موجودة فى حياتك
وتاهت منك فى زحمة الحياة …
دور على نفسك جواك….!
