الثلاثاء , 29 نوفمبر 2022

كبسولات مهدئة…(الشعور بالذنب)…تكتبها رشا صيرة

= 1435

أقوى سلاح ممكن يستخدمه شخص ضدك هو أنه يخليك تشعر بالذنب تجاهه…

وأقوى شعور ممكن تستخدمه أنت ضد نفسك هو أنك تشعرها بالذنب بمناسبة أو بدون مناسبة …

الشعور بالذنب أوقات بيكون صحى ومفيد ومطلوب …
وأوقات بيكون مدمر ومؤذى لصاحبه …

لما تخطئ وتنصب لنفسك محاكمة قاسية غير عادلة …
تشعر فيها إن الصواب خطأ وان الخطأ مصيبة …
فتعلق لنفسك حبل المشنقة كل يوم وتجلدها وتعذبها كل ساعة ..
ده كله مش هيخليك تكرر الخطأ بل هيخليك ترتكب أخطاء أخرى غيرها ….
لأنك ما حررتش نفسك من الخطأ!

شعورك بالذنب هيدخلك فى دايرة وهم هيرتبط بيها شعور بالعقاب فى الحقيقة أو فى الخيال …

يعنى يا إما يحصلك فى الواقع أو فى نفسك !

زمان كانوا بيقولوا أنظروا بداخلكم ودوروا على الحقيقة …
حقيقتك هتحررك …
هتخليك تكتشف ان كل اللى جواك ده وهم!
خليته يقضى عليك بسلاح استخدمته انت ضد نفسك ….

بعد ما تخلص رحلتك جوه نفسك
دور على أكتر إنسان أذيته بأخطائك بعد نفسك !
وغالباً ….هيكون أقرب حد ليك !

خليه يسامحك علشان تعرف تسامح نفسك ….!

شاهد أيضاً

كبسولات مهدئة: (سر الروح)…تكتبها رشا صيرة

عدد المشاهدات = 10197  كل واحد عايش راسم فى خياله صورة بيحلم يلاقيها فى حبيبه …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: