حياتي اليوم صحيفة إلكترونية يومية
—-
القاهرة – حياتي اليوم
وضعت صفحة “قلعة الزمالك البيضاء” هذه الصورة على الفيسبوك وقالت تعليقا عليها: الكلمتين دول لازم تسمعهم وانت كسبان عشان نعرف نبني عليهم ..
اللي في الصورة دول هما نفسهم اللاعيبة اللي كان البعض بيتهمهم بالتخاذل وتعمد الخسارة، هما نفسهم اللي طلعت عليهم اشاعات بعد مباراة الطلائع بالتفويت وللاسف من زمالكوية صوتهم مسموع…
فكرة انك مع اي خسارة لازم تطلع كبش فدا للاسف فكرة اخترعها جمهور الزمالك، مش شرط عشان خسرت يبقي في حد مخطيء في المنظومة مش شرط عشان خسرت تطلع كله خربان ومتأمر في الاول و في الاخر هي كرة قدم..
استقرارك و حفاظك علي هدوئك هيخليك تبني اكتر، لو وقفنا عند هزايم الدوري مكناش خدنا السوبرين ولو هنقف عند الهزايم اللي اكيد هتحصل في يوم مش هناخد حاجة منها بعديها، فكرة السعي للكمال بجلد الذات هي اكبر عيوبنا ( هنحاول نعمل فيديو قريب نتناول بيه القصة ديه )،
•الزمالك هيقاتل علي افريقيا وكلنا وراه و ان شاء الله هنكسبها بس وارد منكسبش هتعمل ايه ساعتها؟ هتطلع تاني تقول متآمرين ومدرب مبيفهمش !؟
•الخلاصة الزمالك عنده جيل ممتاز جيل مزيج بين الشباب والخبرة و كلهم عندهم روح البطولة محتاجين شوية تدعيم ومحتاجين استقرار والاهم محتاجين منقيمش تاني ببطولة الدوري الموجهة .. اتمني نكون اتعلمنا من الدرس واتمني نبني لقدام .
#اراء_القلعة
