السبت , 5 يوليو 2025

“طعم الأيام” … خاطرة بقلم: نورهان شبل

= 1580

مين إللي سرق يوم الخميس بتاعنا؟
يوم الخميس إللي كان بيبقي فيه المناسبات السعيدة كلها، الأفراح، وأعياد الميلاد
يوم الخميس إللي كنا بنطلع من المدرسة حصة بدري
يوم الخميس إللي الأطفال كانت بترجع فيه من المدرسة تطوح الشنطة وتجري تلعب من غير ما تكتب الواجب علشان بكرة الجمعة أجازة
يوم الخميس إللي كنت بتشم ريحته من أول ما بتفتح عينيك من النوم الصبح
يوم الخميس إللي كان فيه فيلم السهرة ولب وسوداني
إللي محضرش الخميس بتاعنا مش هيعرف ليه بنحبه ومرتبطين بيه هو بالذات
وحشتني أي حاجة بسيطة ومريحة من بتاعة زمان بناسها الطيبة ببساطتهم وقلوبهم البيضة
مش يوم الخميس بس إللي إتسرق مننا، دي الأيام كلها
مين إللي سرق طعم الأيام
يا تري الزمن والا العمر والا الظروف والا المسؤليات والا الغربة والا الحبايب إللي غابوا والا ده طبع الحياة؟!

شاهد أيضاً

“ليست كل الهزائم تُروى”… خاطرة بقلم: نبيلة حسن عبدالمقصود

عدد المشاهدات = 3951 ما أكثر المجهود الذي نبذله حتى نبدو بخير. حين نظهر فقط …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.