“شوية وجع”…قصيدة بقلم الأديب صابر الجنزوري

ياه على الدنيا لما تخدعنا
وترجعنا ألف خطوة لورا
ولما تقسى تفرمنا
نصرخ ونلوم القدر
مين اللي بيسرق منا فرحتنا
غير الخذلان والجحود والضرر
مين بيكسربخاطرنا ويقل راحتنا
غير القلوب اللي زي الحجر
هو إيه هد حيلنا ونفسنا
بعد ما كنا ملء السمع والبصر
دي الدموع في عنينا اتجمدت من كتر العناد والحزن والسهر
ياه على الدنيا لما تيجي علينا
وياه ع الغرور وذنوب لا تغتفر
خلاص انتهينا ومات الأمل
ومبقاش باقي غير شوية وجع
أصل الأذية مش بتيجي غير
من اللي كنا فاكرينهم بشر