ريم خيري شلبي تكتب: سكتى غير سكتك!

سمعت شاعر مش قديم
لكن كلامه فى الصميم
بيقول بحبك بس مش قادر
مضطر ابعد او اهاجر
مضطر اسيبك تتعبى وحدك
وتتعذبى وحدك
لأنى فيكى حبيت الشجن ويا العذاب
ووجودى جنبك ورانى بهجة فوق رموشك
ووللأسف مقدرش احوشك
ولا عمرى هقدر امنعك م العشق والفرح المباح
وانا يا حبيبتى واحد حزين
الفرح مبحبوش ولا اعرف طريقه فين
انا راح اسيبك تحزنى يمكن سنة ويمكن سنين
ولما الحزن تانى والشجن يسكن عنيكى
يمكن ساعتها ارجع افكر تانى فيكى
وارجع اطبطب واوعدك بالفرح تانى
ونسمع سوا فيروز وثومة ونغنى الاغانى
واول ما ترجع فرحتك هرجع واسيبك
علشان انا سكتى غير سكتك