الخميس , 1 ديسمبر 2022

حديث المساء: شباب زي الورد

= 3399

يكتبه: عبد الناصر عبد العزيز

فى موقف القاهرة الرئيسى (موقف السلام) عربية خشب طولها حوالى 3 أمتار وعرضها متر ونصف عليها من خيرات الله كل أنواع الأكل، فول طعمية بطاطس سلطة فلفل باذنجان بصل جرجير عيش وكله جنب بعضه، ويلتف حول العربية مجموعة من الشباب الصعايدة بالجلباب البلدى والعمامة ينادون بأعلى صوت قرب يا باشا افطر يا باشا تعالى تعالى قرب اتفضل..

وطبعا النظام انك تخدم نفسك بنفسك تاخد الرغيف وتحط فيه اللى تحبه بأى كمية وتاكل براحتك بدل الرغيف عشرة، والمية تلج فى كبايه ألومنيوم من بتوع زمان، ولما تخلص تروح لأى واحد من الرجالة وتحاسبه، خدت رغيف اتنين تلاته انت وضميرك وهو واثق فيك وعمره ما بيراجعك حتى لوشافك وانت واخد عشر أرغفه وقلتله رغيفين عاااادى بيقولك بالهنا والشفا وشرفت..

وبانتظام بيملوا الأطباق الفاضية واحد يقلي طعمية والتانى يحمر بطاطس والتالت عيش وهكذا…. أيه دول ومين دول ومن أي كوكب الشباب ده، وايه روعتهم دى ونظافتهم ونظامهم وتسامحهم وكرمهم بصراحة صورة رائعة جميلة جدا تفكرك بزمان وطيبة زمان وكرم زمان وانت تقف فى مكان صاخب يمثل صخب الحاضر ووحشته.

شاهد أيضاً

مريم الشكيلية تكتب: صباحات على ورق

عدد المشاهدات = 984 هذا الصباح يشبهني إلى الحد اللا معقول… يعيد إلي ملامحي القديمة …

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: