حياتي اليوم صحيفة إلكترونية يومية
ياللى شوهتم عقول ..
المسلمين
ياللى قررتم تكونوا ..
معسرين
ياللى من فوق المنابر ..
من سنين .. بتخوفوهم
كل ساعة .. تكلموهم ..
عن جهنم .. و الجحيم
و العذاب .. و الثبور
عن تعابين .. القبور
كل يوم .. بتكرهوهم ..
فى الحياة
حاولوا مرة .. تحببوهم ..
فى الإله
علموهم ..
.
ان رب الكون .. محبة
وانه غفار .. الذنوب
و انه رب .. المؤمنين ..
الكافرين ..
وانه ستار … العيوب
و انه قادر .. وحده يهدى
قلب كل .. الغافلين
علموهم
التسامح .. فى الدعاء
و الرضا .. رغم العناء
علموهم .. المودة
و الابتسامة فى الوشوش
ازرعوا فيهم .. محبة
قبل ما نحصد .. وحوش
علموهم ..
الف قيمة .. للحياة
و ان اخلاقنا .. و قيمنا
وان اخلاصنا .. ف عملنا
هى اطواق .. النجاة
علموهم ..
العبادة .. فى ميادين العمل
علموهم الريادة .. و القيادة
و الطريق للجنة .. مفروش ..
بالأمل
ديننا .. رائع
ديننا دين .. واسع و سايد
ديننا مش بس .. اللى راكع
و اللى ساجد
ديننا مش بس .. فى زوايا
أو .. مساجد
مش فى أشكال .. أو مظاهر
ديننا نور ساطع .. و طاهر
فى القلوب .. و الضماير
ديننا بيعمر .. و يبنى
فى كل وقت . . و كل حين
ديننا دين أخلاق .. بيحمى
حق كل . . المظلومين
علموهم ..
التفانى .. فى الحياة
و الخشوع .. فى الصلاة
علشان ما تنعم أرضنا ..
بنعيم .. و جاه
و عشان .. ما يعلا شأننا ..
فى كل .. إتجاه
علموهم ..
يعشقوا .. معنى الحياة
فى سبيل الله ..
علموهم .
***
